Sisnu Pani “सिस्नो पानी”, 05 Febuary 2012

प्रेस चौतारी नेपालको आह्वान, पूर्ण स्वतन्त्रता सहितको नया“ संविधान
२०६८ माघ २२
प्रेस विज्ञप्ति

नेपाली श्रमजीवी पत्रकारहरुको पेसागत हक, हित र सुरक्षाका लागि २०५५ माघ २२ गते स्थापित प्रेस चौतारी नेपाल आज १४ औ“ वर्षमा प्रवेश गरेको छ । यस अवसरमा प्रेस चौतारी नेपालको स्थापना गर्ने अग्रजहरुप्रति सम्मान व्यक्त गर्दै हालसम्मको यात्रामा शुभेच्छा, समर्थन, साथ र सहयोग गर्नुहुने सम्पूर्ण महानुभावहरुप्रति हार्दिक आभार प्रकट गर्दछौ“ । आजको यस अवसरमा सम्पूर्ण श्रमजीवी पत्रकारहरुको हक, हित, पेसागत तथा भौतिक सुरक्षा जस्ता विषयमा अविचलित लागिरहने प्रण गर्दछौ“ ।

पत्रकारिता पेसा अहिले पनि सुरक्षित हुन सकिरहेको छैन । एकातिर पत्रकारहरु भौतिक रुपमा असुक्षित छन् भने अर्कातिर उनीहरुको पेसागत सुरक्षाको पनि सुनिश्चितता छैन । न्यूनतम पारिश्रमिक निर्धारण समितिले निर्धारण गरेको न्यूनतम पारिश्रमिक समेत पत्रकारहरुले पाएका छैनन् । साथै, लोकतान्त्रिक गणतन्त्रमा समेत सूचना लुकाउने नियतले सूचनाको हकसम्बन्धी ऐनको प्रावधानहरुलाई संकुचन गर्ने प्रयास भइरहेको छ । यस्तो बेलामा पत्रकारिता क्षेत्रको रक्षाका लागि जुनसुकै मूल्य चुकाउन प्रेस चौतारी नेपाल सदैव अग्रमोर्चामा रहने विश्वास दिलाउन चाहन्छौ“ । प्रेस चौतारी नेपालले आफ्नो स्थापना दिवसका अवसरमा घोषणा गर्ने र विश्व प्रेस स्वतन्त्रता दिवसका अवसरमा प्रदान गर्ने तीनवटा पुरस्कारहरुबाट तीन जना व्यक्तित्वहरुलाई पुरस्कृत गर्ने निर्णय गरिएको छ ।

नेपाली पत्रकारिता क्षेत्रका अग्रज व्यक्तित्व हृदयचन्द्रसिंह प्रधानका नाममा स्थापित हृदयचन्द्रसिंह प्रधान स्मृति पत्रकारिता पुरस्कारबाट बरिष्ठ लेखक विमल निभा (काठमाडौं), प्रेस चौतारीका संस्थापक अग्निशिखाका नाममा स्थापित अग्निशिखा स्मृति पत्रकारिता पुरस्कारबाट बरिष्ठ पत्रकार कमलप्रसाद कोइराला (मोरङ) र माओवादीबाट हत्या गरिएका प्रेस चौतारी नेपालका तत्कालीन केन्द्रीय सदस्य वीरेन्द्रकुमार साहको स्मृतिमा स्थापित वीरेन्द्र साह क्रियाशील युवा पत्रकारिता पुरस्कारबाट युवा पत्रकार रमेशचन्द्र अधिकारी (धनकुटा) लाई पुरस्कार प्रदान गर्ने निर्णय गरिएको छ । ती पुरस्कारहरु क्रमशः विजय चालिसे, किशोर श्रेष्ठ र महेश दासको संयोजकत्वमा गठित छनोट समितिहरुको सिफारिशमा तय गरिएको हो ।

विष्णु रिजाल

महासचिव

एसीसी यू १९ महिला क्रीकेट प्रतियोगिता अन्तरगत नेपालको लगातार तेश्रोजित । युएईलाई ६८ रनेले हराउदै नेपाल सेमी फाईनलमा प्रवेश गर्यो । कुवेतको प्इऋ हुब्रा खेल मैदानमा नेपालले टस जितेर पहिला ब्यटिङ गर्दै निर्धारित २५ ओभरमा सात विकेट गुमाउदै १५८ रन बनाएको थियो ।

जवाबमा युएईले २५ ओभरमा ९ विकेट गुमाउदै ९० रन मात्र बनाउन सफल भयो । नेपालका लागि रुबिना क्षेत्रीले उत्कृष्ट बोलिङ गर्दै द्ध विकेट लीइन भने सोनु, सरस्वती,कविता र सन्तोषीले एक एक विकेट लिन सफल भए । पारीको अन्तिम बलमा एक खेलाडी रन आउट भएकि थिईन । युएईका लागि सर्बाधित १८ रन दश बर्षिय खेलाडी इशा जेम्सले दुई चौका प्रहार गर्दै बनाइन । क्यना ट्रप्पेडले १३ र हुमैराले ११ रनको योग दान दिए ।

नेपालका लागि इन्दु बर्मा ३२, सोनु खडका ३०, कप्तान रुबिन क्षेत्रि १३, सिलु रिजाल ०, अनुराधा ८, ममता चौधरी १० र कविताल ५ रनको योगदान दिए । नेपालले दोश्रो विकेटकोलागि ५२ रनको साझेदारि खेलेको थियो । सोनु खडका ४ चौका प्रहार गर्दै ३० रन को आक्रमक पारि खेलिन ।

युएईका लागि अयशा नौशखन र शम्भवी गुप्तेले २,२ समिया सलीम, नशरा सिद्धिकी, प्लुक्क आशाले एक एक विकेट लिएका थिए । नेपालका लागि अलराउण्ड प्रदर्शन गर्ने सोनु खडका प्लएर अफ दि म्याच घोषत भइन । नेपाल लगातार तेश्रो जित सँग सेमी फाईनलमा पुगेको छ । तेस्रो संस्करणसम्म आइपुग्दा एसीसी यू-१९ मा अपराजित नेपालले १६ औं जित हो भने प्रतियोगिताको तेश्रो । नेपाल भोली सोमबार लिगको अन्तिम खेल थाईल्याण्ड सँग खेल्ने छ । भोली सोमबारको खेल पछी नेपाल सेमी फाईनलमाको सँग भिडने भन्ने तय हुनेछ ।

दुईपल्टको डिफेन्डिङ् च्याम्पियन नेपाल एसीसी यू-१९ वुमेन्स च्याम्पियनसिप २०१२ को पनि प्रमुख दाबेदार मनियको छ । ९ देशले भाग लिएको प्रतियोगितामा नेपाल ग्रुप ए मा युएई, मलेशिया, चाइना र थाईल्याण्ड छन।

उनीहरुले विवाद समाधान गरेर शान्ति र संविधान निर्माण प्रक्रियालाई निर्धारित समयमा नै पूरा गर्ने प्रतिवद्धता जनाएका हुन् । संवैधानिक समितिको आज सिंहदरबारमा बसेको बैठकमा एकीकृत माओवादीका अध्यक्ष प्रचण्ड, नेपाली काँग्रेस संसदीय दलका नेता तथा उपसभापति रामचन्द्र पौडेल र एमालेका अध्यक्ष झलनाथ खनालले उक्त प्रतिवद्धता जनाएका हुन् ।

आजको बैठकमा समिति अन्तर्गत विवाद समाधान उपसमितिले सहमति जुटाएका बिषयहरुलाई छलफल गरी अनुमोदन गर्ने कार्यसूची रहे पनि कार्यसूचीमा नै प्रवेश नगरी बैठक टुङ्गिएको बताइएको छ ।

संविधान निर्माणको संशोधित कार्यतालिका अनुसार विवादित बिषयहरुमा यही माघ २९ गतेसम्म सहमति जुटाईसक्नुपर्नेछ । समितिको अर्को बैठक यही माघ २४ गते बस्नेछ ।

प्रेस यूनियन, पाल्पाले आज तानसेनमा आयोजना गरेको पत्रकार सम्मेलनमा काँग्रेसका युवा नेता थापाले देश र जनताको दायित्व जनताले माओवादीलाई दिए पनि माओवादीले जिम्मेवारी वहन गर्न नसकेको आरोप लगाउनुभयो ।

उहाँले माओवादीकै कारण शान्ति प्रक्रियामा ढिलाई भईरहेको दावी समेत गर्नुभयो । नेपालका दलहरुले लोकतन्त्रप्रतिको प्रण पूरा नगरेको भनाई पनि थापाको थियो । उहाँले नेपाली काँग्रेस बलियो नहुँदा देश अगाडि बढन नसकेको पुष्टि भएको समेत स्पष्ट पार्नुभयो ।

देशमा शान्ति र संविधानको जिम्मा नेपाली काँग्रेसको काँधमा आएको काँग्रेस नेता थापाको भनाई थियो ।

यसै क्रममा प्रमुख तीन दल एकीकृत माओवादी, नेपाली काँग्रेस र एमालेका शीर्ष नेताहरु आज पनि छलफलमा जुटिरहेका छन् । शान्ति प्रक्रियालाई यथासम्भव टुङ्गोमा पुर्याएर संविधान लेखनका क्रममा देखिएका विवादित बिषयमा सहमति खोज्न प्रमुख तीन दलले आजदेखि सक्रियता देखाउने र माघ २९ गतेभित्र सहमति गर्ने प्रतिवद्धता जनाउँदै आईरहेका छन् ।

संविधानका प्रमुख विवादित बिषय राज्यको पुनर्संरचना, शासकीय स्वरुप, न्याय प्रणाली, निर्वाचन प्रणाली तथा प्रस्तावनाका केही बिषयमा सहमति जुट्न सकेको छैन ।

यही माघ २९ गतेसम्म सहमति खोज्ने गरी संविधानको कार्यतालिका संशोधन भईसकेको छ । सशस्त्र द्वन्द्वकालमा माओवादी जनसत्ताले गरेका लिखतलाई वैधानिकता दिने सरकारको निर्णयले दलहरुको सम्बन्ध चिसिरहेको अवस्था छ । यस्तै प्रधानमन्त्री बाबुराम भट्टराईले दुई छिमेकी चीन र भारतमध्ये कुनैमा मर्ज हुनसक्छ भनी दिएको अभिव्यक्ति पनि विवादित बन्न पुगेको छ । विपक्षी दलहरुले यसबारेमा प्रधानमन्त्रीले संसदमा उपस्थित भएर स्पष्टीकरण दिनुपर्ने माग गर्दै आईरहेका छन् ।

विवाद समाधानका लागि निर्धारित समय नजिकिरहँदा प्रमुख दलहरु सहमति खोज्न सक्रिय भएका हुन् ।

प्राप्त समाचार अनुसार काँकडभिट्टाबाट धनकुटातर्फ जाँदै गरेको मे १ ख ९१६ नम्बरको यात्रुवाहक बस झापाको सुरुङ्गास्थित जुंगेखोलाको कल्भर्टमा ठोक्किएर दुर्घटना भएको थियो ।

दुर्घटनामा मृत्यु भएका तीन जनाको सनाखत भई नकसेको प्रहरीले जनाएको छ । दुर्घटनामा घाइतेहरुको झापाको बिर्तामोडस्थित कञ्चनजंघा अस्पतालमा उपचार भईरहेको छ ।

तीब्र गतिमा रहेको बस अनियन्त्रित भई कल्भर्टमा ठोक्किएर दुर्घटना भएको हुनसक्ने प्रारम्भिक अनुमान प्रहरीले गरेको छ ।

आन्दोलनरत शिक्षक संगठनहरुका अनुसार आज बिहान १० बजेदेखि अपरान्ह ४ बजेसम्म धर्ना दिइएको हो ।

आफूहरुले उठाएका माग पूरा गर्न सरोकारवाला निकायहरुले चासो नदेखाएकाले आन्दोलनमा उत्रनुपरेको आन्दोलनरत शिक्षक संगठनहरुले जनाएका छन् ।

अस्थायी शिक्षकहरू सेवा अवधिका आधारमा स्थायी गर्नुपर्ने माग गर्दै मञ्च र युनियन संयुक्त रुपमा विभिन्न चरणका आन्दोलन गर्दै आएका छन् ।

आज दिउँसो १ बजेका लागि संविधानसभा भवन, नयाँ बानेश्वरमा बोलाइएको सुचारु हुने नहुने अन्यौल कायमै छ । सशस्त्र द्वन्द्वकालमा माओवादी जनसत्ताले गरेको घरजग्गा कारोवारसम्बन्धी लिखतलाई वैधानिकता दिने सरकारको निर्णय फिर्ता हुनुपर्ने माग गर्दै विपक्षी दलहरु काँग्रेस र एमाले लगायतका दलहरुले लगातार संसद बैठक अवरुद्ध पार्दै आएका छन् ।

उनीहरुले यस बिषयमा सरकारको जवाफको माग समेत गरेका छन् । संसद सुचारु गर्ने बिषयमा आज प्रमुख तीन दलको बैठकमा पनि छलफल हुने बताइएको छ ।

निरन्तर संसद अवरुद्ध हुँदा पनि प्रधानमन्त्री बाबुराम भट्टराई भने गम्भीर नभएको विपक्षी दलहरुको आरोप छ । विपक्षी दलहरुले प्रधानमन्त्रीले संसदको अपमान गरेको आरोप लगाईरहेका छन् ।