२८,अगस्ट,२००८,   काठमाडौं–मुलुकको वर्तमान राजनीतिलाई मुल्यङ्कन गर्दै पार्टीको भावि रणनीति तय गर्न विगत तीन दिन देखि बस्दै आएको कांग्रेस केन्द्रिय समितिको बैठक आज भदौ १२ गते पनि जारिरहेको छ ।

२८,अगस्ट,२००८,    काठमाडौं–कोशीबाँध भत्किएर ७० हजार भन्दा बढि मानिसहरु विस्थापित भएपछि उनीहरुको राहतका लागि सरकारले विषेश प्याकेज सहितको कार्यक्रम ल्याउने निर्णय गरेको छ ।

२८,अगस्ट,२००८,   काठमाडौं– नेपाल बिद्युत प्राधिकरणले फेरि हप्ताको सातै दिन लोडसेडिङ गर्ने भएको छ। सप्तकोशी कटानले भारतबाट आयात गरिएको कटैया दुहवी बिद्युत प्रसारण लाइनमा क्षति पुर्‍याएपछि पुनः सातै दिन लोडसेडिङ गर्नुपरेको प्राधिकरणको दावी छ।

२८,अगस्ट,२००८,   काठमाडौं–सिन्धुपाल्चोक जिल्लाको सिन्धुकोट गाविसस्थित सिन्धु पुराना गाउँ उच्चमाध्यमिक विद्यालयको भण्डारमा १० वटा सकेट बम फेला परेको प्रहरीले जनाएको छ।

२८,अगस्ट,२००८,   काठमाडौं– नेपाली काँग्रेसले कोशीपीडितको पुनः स्थापनाका लागि सहयोग गर्न बाढीपीडित केन्द्रीय सहयोग समिति गठन गर्दै कोष स्थापना गरेको छ।

२७,अगस्ट,२००८, काठमाडौं– नेपाली काँग्रेस केन्द्रीय कार्य समितिको आज बुधबारको बैठकमा पनि महामन्त्री बिमलेन्द्र निधि र केन्द्रीय सदस्य नरहरि आचार्यले प्रस्तुत गर्नुभएको छुट्टाछुट्टै प्रतिवेदनमाथि छलफल भएको छ।बैठक भोली १२ बजे पुनः बस्ने गरि आजको बैठक स्थगित गरिएको छ ।

२७,अगस्ट,२००८,   काठमाडौं–प्रधानमन्त्री निर्वाचित भएको दुई हफ्ता सम्म नीजीनिवासमा बस्दै आउनुभएका प्रधानमन्त्री पुष्पकमल दाहाल ´प्रचण्ड´ आज भदौ ११ गते पत्नी सीता दाहालका साथ प्रधानमन्त्री निवास बालुवाटार सर्नु भएको छ ।

२७,अगस्ट,२००८, काठमाडौं– प्रधानमन्त्री पुष्पकमल दाहाल 'प्रचण्ड' चार दिने चीन भ्रमण पूरा गरि आज मध्यान्ह स्वदेश फर्किनुभएको छ।

२७,अगस्ट,२००८, काठमाडौं– प्रधानमन्त्री पुष्पकमल दाहाल 'प्रचण्ड'ले आफ्नो चीन भ्रमणबाट भारत रिसाउनुपर्ने कुनै कारण नभएको बताउनुभएको छ।

२७,अगस्ट,२००८,   काठमाडौं– माओवादी निकट वाईसीएलका कार्यकर्ताहरुले एमाले समर्थक युथ फोर्सका नेतालाई खुकुरी प्रहार गरी घाइते बनाएको भन्दै युथ फोर्सका कार्यकर्ताहरुले गरेको प्रदर्शनबाट आज पूर्व पश्चिम महेन्द्र राजमार्ग यातायात अवरुद्ध बन्न पुगेको छ। युथ फोर्सका कार्यकर्ताहरुले दाङको लमही बजार पनि बन्द गराएका छन्।